La canaglia deglie ianne cinquanta

Addò è fenita la canaglia deglie ianne cinquanta :

Paccitte , Pizzicotte , Pescecca , Petuanna ?

Facce da dopoguerra , capiglie triate ancora arrete ,

E na velia de campà che vuoie nen ce se crede .

Addonna sta Riccarde e Ruggiere e Nespolone

E glie iatre scalmaniate della banda ‘glie Vallone ?

Chi s’è pelate e chi spesate e glie iatre , dimme tu :

Iave partite na matina e n’z’iave viste chiù .

Parle de storie vecchie , de ne  tiempe ormai passate ,

La neve del cinquantasei , le chenghe scapestrate ,

Glie soprannome senza gloria : Barile e Mascina ,

Zuzzù , Acchiappapecciune , Zenalotte e Merecina .

E chi se glie recorda chiù glie cinema deglie Abbate ,

Glie bigliardine de Faéle , le scarpe reselate ,

La squadra de pallone : Banana che gioca a portiere ,

E l’anarchia  paisana delle maglie rosce e nere .

Andanne se pazziava che le frecce a fenecchiette ,

A chiarte pe le sportera , a nuase e a banchette ,

A ticcia montanara , a sine e a battemure ;

glie gins  ivane già de moda , ma che le pezze n’cure .

Chi teneva na lira se chemprà glie Topoline ,

La teppa invece se sfrenava che ne carrozzine ,

Zizì eva già persona seria : se fece la Lambretta ,

Palmire se rempé la testa che na bicicletta .

E la fatìa a dudece ianne , le scole maie fenite

E ne mestiere che n’te dà le pane garantite ,

Ne biglie iuorne però t’arriva ne viste pe glie passaporte ,

Salute mamma e puatre ,  apuò te mbiarche e bonanotte.

Addonna sta la lapide , chi è messa na Vittoria

A tutta na generazione che pure té na storia ?

Iate a veré alle Mole , alla Palestra , aglie Cerquite :

Forse se legge ancora  ne “ recorde “ sculerite .